Чытацкая канферэнцыя

па кнізе Э.Распэ “Прыгоды барона Мюнхаўзена”

 «Кнігі жывуць да тых часін,

пакуль іх не толькі чытаюць,

але і перачытваюць»

(Якуб Колас)

 У бібліятэцы ДУА “Гімназія г. Лунінца” прайшла чытацкая канферэнцыя па кнізе Э.Э.Распэ “Прыгоды барона Мюнхаўзена”. Мерапрыемства было накіравана на пашырэнне літаратурнага кругагляду, развіццё мыслення вучняў, выхаванне цікавасці да чытання, уменне працаваць у групе. Удзел у канферэнцыі прынялі вучні 5 “А” класа (каманды “Бура” і “Султаны”) і 5 “Б”класа (каманды “Барон сярод нас” і “Дыназаўр Алёша і Гоша”). У кожнай каманды быў свой дэвіз. Дзіцячыя малюнкі і вырабы былі прадстаўлены на выставе “Да дабра – праз кнігу”.

Найбольшую актыўнасць праявілі вучні 5 “А” класа пры выкананні тэста-віктарыны "Уважлівы чытач". Таксама вучні паспрабавалі свае сілы ў казачна-спартыўнай эстафеце «Ядро барона Мюнхаўзена», перамогу ў якой атрымала каманда 5 “А” класа “Султаны”. На працягу канферэнцыі самымі знаходлівымі сталі Захараў Уладзіслаў, Кузьміч Дзяніс, Мацкевіч Дар’я, Арашкевіч Дар’я, Соц Алёна, Швед Ганна і Яскевіч Раман.

Усім удзельнікам спатрэбілася кемлівасць пры разгадванні крыжаванкі “Ці добра вы памятаеце апавяданні барона Мюнхаўзена?”. Пры абмеркаванні вобраза барона Мюнхаўзена найбльшую актыўнасць праявілі вучні 5 “Б” класа Бажко Ясмін, Валынчыц Яўген. Творчыя здольнасці праявілі пры складанні сінквейна Астапчык Максім і Шумайлава Вераніка. Цікавыя малюнкі і пацешныя вырабы з пластыліну зрабілі Абраменя Сафія, Арашкевіч Анастасія, ЧарнюкКацярына.

Падчас сустрэчы вучні прыйшлі да высновы, што барон Мюнхаўзен – цудоўны апавядальнік, у нейкай ступені фантазёр і выдумшчык. І тут нельга не згадзіцца са словамі знакамітага італьянскага казачніка Дж.Радары “Калі мы хочам навучыцца думаць, то перш за ўсё павінны ўмець марыць”.

Вучні гімназіі атрымалі асалоду ад прачытанага твору і адзначылі, што чытанне – гэта прыемны адпачынак.